Dentro das operacións societarias podemos distinguir:
Operacións suxeitas e non exentas:
- A diminución de capital social
- A disolución de sociedades.
Operacións suxeitas e exentas:
- A constitución de sociedades
- O aumento de capital social
- As achegas que non supoñen aumento de capital social
- O traslado a España da sede de dirección efectiva ou domicilio social (non situados previamente na Unión Europea).
Operacións non suxeitas:
- As operacións de reestruturación
- Os traslados da sede de dirección efectiva ou do domicilio social dentro da Unión Europea
- A modificación da estrutura de constitución ou dos estatutos
- A ampliación de capital con cargo exclusivamente á prima de emisión.
Os socios son os obrigados ao pagamento en caso de:
- Diminución de capital social
- Disolución da sociedade.
A sociedade é a obrigada a presentar o imposto en caso de:
- Constitución da sociedade
- Aumento de capital social
- Achegas que non supoñen aumento de capital social
- Traslado a España da sede de dirección efectiva ou domicilio social (non situados previamente na Unión Europea).
Artigo 22 da Orde do 9 de decembro de 2020
Un mes dende a operación.
Artigos 4 e 18 da Orde do 9 de decembro de 2020
A presentación pode ser presencial ou electrónica:
- Presencial: mediante o modelo en papel 600 que se pode adquirir nos estancos autorizados, Oficinas de distrito hipotecario e Oficinas liquidadoras de distrito hipotecario, ou o obtido a través do programa de axuda da OVT sen necesidade de certificado dixital. A presentación poderá realizarse nas delegacións territoriais da Axencia Tributaria de Galicia, así como nas oficinas de distrito hipotecario e oficinas liquidadoras de distrito hipotecario.
Se se quere acudir con cita, pódese solicitar a través deste enlace. - Electrónica: farase a través da OVT cun certificado dixital.
Artigo 17 e disposición adicional segunda da Orde do 9 de decembro de 2020
- As persoas xurídicas.
- As entidades sen personalidade xurídica.
- As persoas que representen a un contribuínte que estea obrigado á presentación electrónica.
- As persoas ou entidades que exerzan a condición de colaboradores sociais.
Quedan excluídas de presentación electrónica as autoliquidacións complementarias do modelo 600.
En caso de presentación presencial:
- Nunha entidade financeira colaboradora
- Mediante tarxeta de débito ou crédito no Terminal de Punto de Venda (TPV) físico das Delegacións da Atriga (co límite de 3.000 € para pagos con tarxeta).
- AVISO: As Oficinas Liquidadoras de Distrito Hipotecario e as de Distrito Hipotecario non dispoñen de TPV físico para realizar o pago nas oficinas.
- Mediante xiro postal nas Oficinas de Correos ou, no rural, a través dos carteiros rurais.
No caso de presentación electrónica:
- O pago poderá realizarse de forma presencial nas entidades colaboradoras autorizadas para os pagos presenciais con NRC ou mediante xiro postal nas Oficinas de Correos ou, no rural, a través dos carteiros rurais, co documento de ingreso telemático presencial (Modelo 717).
Unha vez feito, deberá completar a presentación da autoliquidación a través da OVT (apartado "Operacións realizadas", onde introducirá o NRC xerado). - O pago pode realizarse de forma electrónica, no momento da confección, a través de:
- Domiciliación bancaria. A conta designada debe cumprir as seguintes condicións:
- Ser propiedade do obrigado ao pago.
- Tratarse dunha conta á vista ou dunha conta de aforro que admita a domiciliación de pagos.
- Estar aberta nunha entidade de crédito autorizada para actuar como colaboradora na xestión recadatoria da Atriga. - Cargo en conta.
- Pago con tarxeta de débito ou crédito mediante TPV virtual (co límite de 3.000 €).
- Pago por Bizum
- Domiciliación bancaria. A conta designada debe cumprir as seguintes condicións:
Máis información sobre o xiro postal e Bizum.
Recoñecemento de débeda e pago mediante transferencia: o contribuínte que non dispoña dunha conta da súa titularidade aberta en ningunha das entidades colaboradoras pode pagar a totalidade da débeda tributaria previo recoñecemento da mesma, mediante transferencia bancaria.
- Documento ou contrato que recolle a operación. No caso de documentos notariais, xudiciais ou administrativos, presentarase copia auténtica. Se se trata de documentos privados, presentarase o orixinal.
- Modelo 600 cumprimentado.
-Na constitución e aumento de capital:
- Se a sociedade limita a responsabilidade dos socios: o importe nominal máis a prima de emisión;
- Se a sociedade non limita a responsabilidade dos socios: o valor neto da achega (é dicir, o valor dos bens e dereitos aportados minorado polas cargas e gastos que sexan deducibles e polo valor das débedas que queden a cargo da sociedade).
-Nas achegas dos socios para repoñer perdas: o valor neto da achega.
-No traslado: o haber líquido que a sociedade ten o día do acordo (é dicir, a diferenza entre o valor do activo e o valor do pasivo esixible).
-Na diminución e a disolución: o valor dos bens e dereitos entregados aos socios.
Más información: Preguntas frecuentes en caso de operaciones societarias
