A presentación da autoliquidación do imposto só será válida se se realiza na Comunidade Autónoma competente.
Atendendo ás regras contidas no artigo 31 da Lei 22/2009, do 18 de decembro, pola que se regula o sistema de financiamento das Comunidades Autónomas de réxime común e Cidades con Estatuto de Autonomía e modifícanse determinadas normas tributarias, cédese á Comunidade Autónoma o rendemento do Imposto sobre o Patrimonio producido no seu territorio, é dicir, o que corresponda a aqueles suxeitos pasivos que teñan a súa residencia habitual no devandito territorio.
Contas con máis información na páxina web da Axencia Estatal da Administración Tributaria.
Están obrigadas a presentar declaración do Imposto sobre Patrimonio as persoas físicas cuxa cota tributaria resulte a ingresar ou, non dándose dita circunstancia, que teñan bens e dereitos por valor superior aos 2.000.000 de euros.
Enlaces asociados
Os suxeitos pasivos están obrigados a presentar declaración, a practicar autoliquidación e, no seu caso, a ingresar a débeda tributaria no lugar, forma e prazos que se determinen polo titular do Ministerio de Facenda.
A declaración do imposto sobre o patrimonio presentarase necesariamente por medios electrónicos.
Contas con máis información na páxina web da Axencia Estatal da Administración Tributaria.
Determínao cada ano o titular do Ministerio de Facenda.
Contas con máis información na páxina web da Axencia Estatal dá Administración Tributaria.
O Imposto sobre o Patrimonio é un imposto estritamente individual no que non existe a tributación conxunta nin a acumulación de patrimonios dos cónxuxes e fillos menores.
Os bens e dereitos atribuiranse a aquelas persoas ás que lles correspondan segundo as normas aplicables sobre titularidade xurídica.
A estes efectos haberá que ter en conta no caso de matrimonio, o réxime económico do mesmo. Así, se se trata de gananciais, atribuirase por metade a cada un, salvo que se xustifique outra cota de participación.
En todo caso, cando non resulte debidamente acreditada a titularidade de bens ou dereitos, a Administración Tributaria terá dereito a considerar como titular a quen figure como tal nun rexistro fiscal ou outros de carácter público.
Con carácter xeral establécese a exención de determinados bens e dereitos sempre que se cumpran determinados requisitos que regula o artigo 4 da Lei 19/1991, do 6 de xuño, do imposto sobre o patrimonio:
- Bens integrantes do Patrimonio Histórico Español
- Bens integrantes do Patrimonio Histórico das Comunidades Autónomas
- Determinados obxectos de arte e antigüidades
- Enxoval doméstico
- Dereitos de contido económico
- Dereitos derivados da propiedade intelectual ou industrial
- Valores pertencentes a non residentes
- Patrimonio empresarial e profesional
- Participacións en determinadas entidades
- Vivenda habitual do contribuínte (cun importe máximo de 300.000 euros)
Os bens inmobles compútanse polo maior dos seguintes valores:
- valor catastral
- prezo, contraprestación ou valor de adquisición
- o comprobado pola Administración a efectos doutros tributos (ex. Imposto sobre sucesións ou Imposto sobre transmisións).
Enlaces asociados
Computaranse polo maior dos seguintes valores:
- saldo a 31 de decembro
- saldo medio correspondente ao último trimestre do ano.
Para calcular ese saldo medio non se computarán os fondos retirados para a adquisición de bens e dereitos que figuren no patrimonio (incluso un novo depósito) ou para a cancelación ou redución de débedas.
Enlaces asociados
Compútanse polo seu valor de mercado. Pódese utilizar o servizo Valoración de vehículos usados da Oficina virtual tributaria.
No imposto sobre o patrimonio, os dereitos consolidados dos partícipes nun plan de pensións están exentos.
O Decreto Lexislativo 1/2011, do 28 de xullo, polo que se aproba o texto refundido das disposicións legais da Comunidade Autónoma de Galicia en materia de tributos cedidos polo Estado (DL 1/2021), regula:
| Mínimo exento (artigo 13 DL 1/21011) | 700.000 euros |
| Deducións en cota (Ver requisitos no artigo 13 ter DL 1/2011) | Obxecto de aplicación | Dedución |
| Creación de novas empresas ou ampliación da actividade de empresas de reciente creación uo inversión na adquisión de accións ou participacións en entidades novas ou de reciente creación. | 75% con límite de 4.000 euros | |
| Inversión en empresas agrarias | 100% | |
| Terreos rústicos afectos a unha explotación agraria inscrita no REAG e cesión en arrendamento de terreos rústicos | 100% | |
| Bens inmobles situados en centros históricos afectos a unha actividade económica | 100% | |
| Participación nos fondos propios de entidades que exploten bens inmobles situados en centros históricos | 100% | |
| Bens incorporados a polígonos agroforestais, proxectos de aldeas modelo ou agrupación de xestión conxunta previstos na Lei de recuperación da terra agraria de Galicia | 100% |
| Bonificación na cota íntegra (artigo 13 quater DL 1/2011) | 25% (en 2022) 50% (en 2023) Mentres resulte de aplicación o imposto temporal de solidariedade das grandes fortunas queda suspendida a vixencia da bonificación anterior (con efectos desde 01.01.2023) e aplicarase o seguinte: Sobre a cota íntegra do imposto aplicarase unha bonificación do 50%. Esta dedución reducirase no importe que resulte para pagar que derive da aplicación da normativa do imposto temporal de solidariedade das grandes fortunas para o mesmo exercicio, sen que o resultado poida ser negativo. Se consecuencia desta redución, se esgotase o importe desta bonificación, reduciranse na contía necesaria as outras deducións autonómicas que resulten aplicables, sen que o resultado poida ser negativo. |
Podes obter máis información na Resumo de medidas normativas da Comunidade Autónoma e beneficios fiscais
O artigo 13 bis do Decreto Lexislativo 1/2011, regula a escala do imposto:
| Base liquidable Ata euros | Cota euros | Resto base liquidable Ata euros | Tipo aplicable porcentaxe |
|---|---|---|---|
| 0,00 | 0,00 | 167.129,45 | 0,20 |
| 167.129,45 | 334,26 | 167.123,43 | 0,30 |
| 334.252,88 | 835,63 | 334.246,87 | 0,50 |
| 668.499,75 | 2.506,86 | 668.499,76 | 0,90 |
| 1.336.999,51 | 8.523,36 | 1.336.99,50 | 1,30 |
| 2.673.999,01 | 25.904,35 | 2.673.999,02 | 1,70 |
| 5.347.998,03 | 71.362,33 | 5.347.998,03 | 2,10 |
| 10.695.996,06 | 183.670,29 | En diante | 2,50 |
Mentres resulte de aplicación o imposto temporal de solidariedade das grandes fortunas queda suspendida a vixencia da escala anterior (con efectos desde 01.01.2023) e aplicarase a seguinte:
| Tarifa | |||
| Base liquidable Ata euros | Cota íntegra Euros | Resto de base liquidable Ata euros | Tipo aplicable Porcentaxe |
| 0,00 | 0,00 | 167.129,45 | 0,20 % |
| 167.129,45 | 334,26 | 167.123,43 | 0,30 % |
| 334.252,88 | 835,63 | 334.246,87 | 0,50 % |
| 668.499,75 | 2.506,86 | 668.499,76 | 0,90 % |
| 1.336.999,51 | 8.523,36 | 1.336.999,50 | 1,30 % |
| 2.673.999,01 | 25.904,35 | 2.673.999,02 | 1,70 % |
| 5.347.998,03 | 71.362,33 | 5.347.998,03 | 2,10 % |
| 10.695.996,06 | 183.670,29 | En adiante | 3,50 % |
Á cota íntegra resultante aplicaránselle as reducións, bonificacións e deducións correspondentes:
(-) REDUCIÓN POR LÍMITE CONXUNTO CO IRPF (art.31 Lei 19/1991)
(-) DEDUCIÓN POR IMPOSTOS SATISFEITOS NO ESTRANXEIRO (art.32 Lei 19/1991)
(-) BONIFICACIÓN CEUTA E MELILLA (art.33 Lei 19/1991)
(-) DEDUCIÓNS AUTONÓMICAS (art.13 ter DL 1/2011)
(-) BONIFICACIÓNS AUTONÓMICAS (art.13 quater DL 1/2011)