Esta taxa grava a autorización, celebración ou organización de xogos de sorte, envite ou azar realizados mediante máquinas de xogo, cuxo rendemento corresponda á comunidade autónoma de Galicia.

 

QUEN DECLARA O IMPOSTO?

As persoas ou entidades que teñan a correspondente autorización administrativa ou permiso de explotación.

As entidades que, entre as súas actividades, teñan a celebración ou organización de xogos de azar.

 

CAL É O PRAZO DE PRESENTACIÓN?

Vinte primeiros días naturais seguintes á finalización de cada trimestre.

 

COMO PRESENTO O IMPOSTO?

En todo caso, a presentación será electrónica, a través da Oficina Virtual Tributaria.

 

CAL É O TIPO IMPOSITIVO?

Deberá pagarse unha cota fixa ou esa cota incrementada por unha proporcional, en función do tipo de máquina de que se trate.