Documentos como as letras de cambio, os resgardos ou certificados de depósitos transmisibles, as notas promisorias, bonos e obrigacións, entre outros, están suxeitos á modalidade de actos xurídicos documentados, documentos mercantís.

 

QUEN DECLARA O IMPOSTO?

Con carácter xeral, a persoa ou entidade que expide o documento.

En caso de letras de cambio, a persoa que a entregue.

 

CAL É O PRAZO DE PRESENTACIÓN?

Nos vinte primeiros días naturais de cada mes natural presentarase:

-Todos os documentos admitidos a negociación ou cobranza durante o mes natural inmediato anterior, mediante o modelo 610.

-Todos os documentos emitidos durante o mes natural inmediato anterior, mediante o modelo 615.

En caso de letras de cambio, un mes desde a emisión.

 

COMO PRESENTO O IMPOSTO?

A presentación do imposto será, en todo caso, a través da Oficina Virtual Tributaria.

 

CAL É O TIPO IMPOSITIVO?

Tanto para as letras de cambio como para os documentos que realicen función de xiro ou suplan as letras, aplícase a escala de gravame vixente.

No caso de notas promisorias, bonos, obrigacións e resto de títulos análogos, tributan ao tipo do 3 por cada 1.000 ou fracción, e liquídase en metálico.