Este tributo grava os incrementos patrimoniais obtidos a título lucrativo por persoas físicas, en concreto:
- A adquisición de bens e dereitos por herdanza, legado ou calquera outro Título sucesorio.
- A adquisición de bens e dereitos por doazón ou calquera outro negocio xurídico gratuíto, "intervivos".
- A percepción de importes por parte dos beneficiarios dos contratos de seguros de vida, cando o contratante sexa unha persoa distinta do beneficiario.
- Persoas físicas que adquiran bens e dereitos por herdanza, legado ou outro Título sucesorio.
- Os beneficiarios de seguros de vida, cando o contratante sexa distinto do beneficiario.
- Persoas físicas que adquiran bens e dereitos por doazón ou por calquera outro negocio xurídico a título gratuíto e inter vivos.
Artigo 20 da Orde do 21 de xaneiro de 2021
Seis meses:
- Cando se trate de adquisicións por causa de morte, incluídas as dos beneficiarios de contratos de seguros de vida, contados desde o día do falecemento do causante ou desde aquel en que adquira firmeza a declaración de falecemento.
- No caso de consolidacións do dominio no nu propietario por falecemento do usufrutuario cando deban tributar polo imposto sobre sucesións e doazóns, aínda que a desmembración do dominio se realizase por actos inter vivos, a contar desde o día do falecemento do usufrutuario ou desde aquel en que adquira firmeza a declaración de falecemento.
Un mes nos seguintes casos:
- Nas adquisicións por causa de morte, nas que non se produza o falecemento do transmitente (pactos sucesorios), a contar desde o seguinte a aquel en que se formalice o acto ou contrato.
- Nos demais supostos (doazóns) a contar desde o seguinte a aquel en que se cause o acto ou contrato.
A declaración de documento sucesorio (modelo 660) non ten prazo de presentación.
Artigo 16 da Orde do 21 de xaneiro de 2021
A presentación pode ser presencial ou electrónica:
- Presencial: mediante o modelo en papel (modelo 650 e D650 para Imposto sobre Sucesións e modelo 651 para Imposto sobre Doazóns) que se pode adquirirnos estancos autorizados, Oficinas de distrito hipotecario e Oficinas liquidadoras de distrito hipotecario, ou o obtido a través da OVT, no servizo de Confección On-line (para Doazóns) ou no programa ALIS (para Sucesións), sen necesidade de certificado dixital.
A presentación poderá realizarse nas delegacións territoriais da Axencia Tributaria de Galicia, así como nas oficinas de distrito hipotecario e oficinas liquidadoras de distrito hipotecario.
Habilítase un sistema de cita previa preferente para a presentación presencial.
- Electrónica: farase a través da OVT cun certificado dixital:
- Para o Imposto sobre Sucesións, realizarase a través do programa ALIS (Axuda para a liquidación do Imposto de Sucesións), dispoñible para descargar na OVT.
- Para o Imposto sobre Doazóns, a través do servizo de Presentación telemática.
- Para os pactos sucesorios ou doazóns que consten en documento notarial, é requisito imprescindible que o presentador autorice o envío do documento polo notario. Aceptada a presentación da autoliquidación, emitirase un xustificante conforme se presentou o documento notarial.
Artigo 15 da Orde do 21 de xaneiro de 2021
A presentación electrónica é obrigatoria para as persoas ou entidades que, de conformidade co disposto no artigo 92 da Lei 58/2003, do 17 de decembro, xeral tributaria, teñan a condición de colaboradores sociais na aplicación dos tributos e cumpran os requisitos e condicións establecidos pola normativa vixente.
No resto dos casos, a presentación poderá ser presencial ou electrónica.
En caso de presentación presencial:
- Nunha entidade financeira colaboradora
- Mediante tarxeta de débito ou crédito no Terminal de Punto de Venda (TPV) físico das Delegacións da Atriga (co límite de 3.000 € para pagos con tarxeta).
- AVISO: As Oficinas Liquidadoras de Distrito Hipotecario e as de Distrito Hipotecario non dispoñen de TPV físico para realizar o pago nas oficinas.
- Mediante xiro postal nas Oficinas de Correos ou, no rural, a través dos carteiros rurais.
No caso de presentación electrónica:
- O pago poderá realizarse de forma presencial nas entidades colaboradoras autorizadas para os pagos presenciais con NRC ou mediante xiro postal nas Oficinas de Correos ou, no rural, a través dos carteiros rurais, co documento de ingreso telemático presencial (Modelo 717).
Unha vez feito, deberá completar a presentación da autoliquidación a través da OVT (apartado "Operacións realizadas", onde introducirá o NRC xerado). - O pago pode realizarse de forma electrónica, no momento da confección, a través de:
- Domiciliación bancaria. A conta designada debe cumprir as seguintes condicións:
- Ser propiedade do obrigado ao pago.
- Tratarse dunha conta á vista ou dunha conta de aforro que admita a domiciliación de pagos.
- Estar aberta nunha entidade de crédito autorizada para actuar como colaboradora na xestión recadatoria da Atriga. - Cargo en conta.
- Pago con tarxeta de débito ou crédito mediante TPV virtual (co límite de 3.000 €).
- Pago por Bizum
- Domiciliación bancaria. A conta designada debe cumprir as seguintes condicións:
Máis información sobre o xiro postal e Bizum.
Para solicitar o aprazamento ou fraccionamento da débeda tributaria, tense que presentar unha solicitude acompañada da documentación necesaria para identificar a débeda e, no seu caso, a garantía correspondente, xunto coa proposta dun calendario de ingresos e a documentación que xustifique a existencia de dificultades económicas.
Non se exixirá ningún tipo de garantía cando o importe total das débedas do mesmo debedor non supere os 30.000 euros (Orde HAP/347/2016, do 11 de marzo).
A solicitude pódese presentar:
Presencialmente:
- Por escrito ou modelo normalizado, nos rexistros da Xunta de Galicia ou por calquera outro medio sinalado no apartado 4 do artigo 16 da Lei 39/2015, do 1 de outubro, do Procedemento Administrativo Común das Administracións Públicas.
Electrónicamente:
- Pola OVT (con certificado dixital ou DNI electrónico) ben como cidadán ou como colaborador social a través do apartado Solicitudes -> Aprazamento/fraccionamento de débeda
- Pola Sede Electrónica da Xunta de Galicia (con certificado dixital, DNI electrónico ou Chave) polo procedemento xenérico PR0004A.
A solicitude dirixirase ao Departamento de Recadación da Delegación da Axencia Tributaria de Galicia competente para a tramitación do imposto. Se a xestión do imposto corresponde ás Oficinas Liquidadoras do Distrito Hipotecario da Coruña, a solicitude dirixirase ao Departamento de Recadación desa Delegación.
Artigos 9 a 14 da Orde do 21 de xaneiro de 2021
En caso de adquisición por causa de morte:
- Os contribuíntes deberán presentar, xunto coa correspondente autoliquidación do modelo 650, o modelo D650 que conteña a relación de bens transmitidos (salvo nos supostos previstos no artigo 4 da Orde do 21 de xaneiro de 2021).
- No caso de pacto sucesorio, deberá achegarse copia auténtica do documento notarial en que conste a devandita transmisión
- Certificado de defunción do causante.
- Certificado do Rexistro Xeral de Actos de Última Vontade.
-Testamento ou copia autorizada deste se o houber e, na súa falta, acta de notoriedade ou testemuño xudicial da declaración de herdeiros, segundo proceda.
-Un exemplar dos contratos de seguro concertados polo causante ou certificación expedida pola entidade aseguradora no caso de seguro colectivo, onde consten a data de contratación, os beneficiarios e o importe que se percibirá. Así como, un certificado de contratos de seguro de cobertura de falecemento.
- Xustificación documental do título de adquisición dos bens inmobles incluídos na sucesión e copia do último recibo do imposto sobre bens inmobles (IBI) ou, no seu defecto, certificación catastral do inmoble onde conste a referencia catastral.
- Certificado que acredite o número de conta, os titulares, o saldo na data do falecemento e o saldo máis alto do último ano anterior a esa data, das contas nas entidades financeiras recollidas na letra e) do apartado 4 do artigo 9 do Orde do 21 de xaneiro de 2021.
- Certificación expedida polo presidente, secretario ou administrador da sociedade, que acredite o número de títulos propiedade do causante e o seu valor teórico na data de devindicación das participacións no capital social das entidades que non cotizan en bolsa.
- No caso de vehículos, a ficha técnica e o permiso de circulación.
- No caso de embarcacións, copia da folla de asento no Rexistro de Embarcacións da capitanía marítima ou licenza de navegación.
- Xustificación documental de cargas, gravames, débedas e gastos dos que se solicita a dedución.
- No caso de contribuíntes pertencentes aos grupos III e IV de parentesco, deberán presentar unha relación do seu patrimonio preexistente na data de devindicación do imposto, valorado segundo a normativa do imposto sobre o patrimonio.
- No caso de aplicación de beneficios fiscais, deberá achegarse tamén a documentación exixida polo artigo 10 da Orde do 21 de xaneiro de 2021.
A partir do 1 de febreiro de 2021, a presentación de documentos relativos a adquisicións por mortis causa que previamente fosen obxecto de presentación a través dos modelos 650 e, se é o caso D650, que conteñan feitos impoñibles non suxeitos deberase realizar a través do “Modelo 660. Declaración-documento sucesorio”.
A presentación do modelo de declaración 660 tamén pódese facer de forma presencial ou electrónica.
Presentarase o modelo 660 xunto coa documentación xustificativa do feito declarado.
A declaración do modelo 660 non ten prazo de presentación, e poderase facer tamén de forma presencial ou electrónica.
Constitúe a base impoñible do imposto:
- No imposto de sucesións: o valor neto da adquisición individual, é dicir, o valor dos bens e dereitos minorados polas cargas e débedas que sexan deducibles.
- No imposto de doazóns: o valor neto dos bens e dereitos adquiridos, é dicir, o valor dos bens e dereitos minorados polas cargas e débedas que sexan deducibles.
Nos seguros sobre a vida, as cantidades percibidas polo beneficiario. Se o contratante do seguro individual ou o asegurado do seguro colectivo é o causante, as cantidades percibidas polo seguro de vida liquidaranse acumulando o seu importe ao resto dos bens e dereitos que integran a porción hereditaria do beneficiario.
Salvo que sexa de aplicación algunha norma especial, o valor dos bens e dereitos considerarase o seu valor de mercado. Non obstante, tomarase como base impoñible o valor declarado se é superior ao valor de mercado.
No caso de bens inmobles tomarase como base impoñible o valor de referencia previsto na normativa reguladora do catastro inmobiliario, na data de devindicación do imposto. Non obstante, tomarase como base impoñible o valor declarado se é superior ao valor de referencia.
Cando non exista valor de referencia ou non poida ser acreditado pola Dirección Xeral do Catastro, a base impoñible, sen prexuízo da comprobación administrativa, será a maior das seguintes magnitudes: o valor declarado polos interesados ou o valor de mercado.
Ten máis información sobre o valor de referencia na web de Atriga, en valoración de inmobles.
Artigos 9, 99 e 100 do Real decreto 1629/1991
Aparte das posibles consecuencias derivadas da falta de presentación e ingreso, comúns a todos os impostos, o imposto sobre sucesións e doazóns posúe certas garantías para a súa presentación que convén ter en conta. Así, a súa non presentación ou pago pode implicar que:
- Os intermediarios financeiros non autoricen a retirada de fondos aos herdeiros, a venda de valores etc.
- As compañías de seguros non entreguen a cantidade contratada ata que se xustifique o pago do imposto
- Os rexistros da propiedade non autoricen o cambio de titular dos bens
- Os documentos nos que conste o feito impoñible non se admitirán nin terán efecto en oficinas ou rexistros públicos
NOTA: Esta información ten carácter divulgativo e non recolle o contido íntegro da Lei 29/1987, do 18 de decembro, do Imposto sobre Sucesións e Doazóns, nin do Real decreto 1629/1991, do 8 de novembro, polo que se aproba o Regulamento do Imposto sobre Sucesións e Doazóns, nin da Orde do 21 de xaneiro de 2021 pola que se aproban os diferentes modelos de autoliquidación do imposto sobre sucesións e doazóns na Comunidade Autónoma de Galicia e se regulan o procedemento e as condicións para o seu pagamento e presentación, así como determinadas obrigacións formais e de subministración de información tributaria . Para estes efectos acompáñase o texto íntegro das normas antes citadas para a súa consulta.