Imagen sección Compravenda de vehículos usados

Compravenda de vehículos usados

Guía do imposto Guía do imposto

Artigo 7 do RDL 1/1993

A adquisición de medios de transporte usados é feito impoñible do imposto sobre transmisións patrimoniais e actos xurídicos documentados (modalidade TPO). 

Con todo, esta adquisición pode estar: 

  • Suxeita ao imposto, se a transmisión é entre particulares. 
  • Exenta do imposto con carácter provisional, en caso de empresarios que teñen como actividade habitual a compravenda de vehículos usados. A exención convértese en definitiva se se xustifica a venda posterior do vehículo no prazo dun ano. 
  • Non suxeita ao imposto, se a parte vendedora é unha compañía mercantil ou un empresario ou profesional que transmite un vehículo afecto a actividade profesional ou industrial que desenvolve (concesionarios de vehículos, taxistas, camioneiros...). 

Exemplos:  

  • A compra dun coche a un concesionario está suxeita a IVE. 
  • A compra de segunda man ao antigo titular está suxeita a TPO. 
Artigo 8 do RDL 1/1993
O comprador é a persoa obrigada ao pago do imposto. 

Artigos 4 e 18 da Orde do 9 de decembro de 2020

A presentación pode ser presencial ou electrónica:

Artigo 17 e disposición adicional segunda da Orde do 9 de decembro de 2020

  • As persoas xurídicas. 
  • As entidades sen personalidade xurídica. 
  • As persoas que representen a un contribuínte que estea obrigado á presentación electrónica. 
  • As persoas ou entidades que exerzan a condición de colaboradores sociais. 

 

Quedan excluídos de presentación electrónica os seguintes casos: 

- Cando non se poida obter a validación do vehículo da Dirección Xeral de Tráfico. 

- Cando o vehículo teña matrícula estranxeira. 

- As autoliquidacións complementarias do modelo 620.  

En caso de presentación presencial: 

  • Nunha entidade financeira colaboradora 
  • Mediante tarxeta de débito ou crédito no Terminal de Punto de Venda (TPV) físico das Delegacións da Atriga (co límite de 3.000 € para pagos con tarxeta). 
  • AVISO: As Oficinas Liquidadoras de Distrito Hipotecario e as de Distrito Hipotecario non dispoñen de TPV físico para realizar o pago nas oficinas. 
  • Mediante xiro postal nas Oficinas de Correos ou, no rural, a través dos carteiros rurais. 

No caso de presentación electrónica: 

  • O pago poderá realizarse de forma presencial nas entidades colaboradoras autorizadas para os pagos presenciais con NRC ou mediante xiro postal nas Oficinas de Correos ou, no rural, a través dos carteiros rurais, co documento de ingreso telemático presencial (Modelo 717). 
    Unha vez feito, deberá completar a presentación da autoliquidación a través da OVT (apartado "Operacións realizadas", onde introducirá o NRC xerado). 
  • O pago pode realizarse de forma electrónica, no momento da confección, a través de: 
    • Domiciliación bancaria. A conta designada debe cumprir as seguintes condicións:
       - Ser propiedade do obrigado ao pago. 
       - Tratarse dunha conta á vista ou dunha conta de aforro que admita a domiciliación de pagos. 
       - Estar aberta nunha entidade de crédito autorizada para actuar como colaboradora na xestión recadatoria da Atriga.
    • Cargo en conta. 
    • Pago con tarxeta de débito ou crédito mediante TPV virtual (co límite de 3.000 €). 
    • Pago por Bizum

Máis información sobre o xiro postal e Bizum 

Recoñecemento de débeda e pago mediante transferencia: o contribuínte que non dispoña dunha conta da súa titularidade aberta en ningunha das entidades colaboradoras pode pagar a totalidade da débeda tributaria previo recoñecemento da mesma, mediante transferencia bancaria.

  • Documento ou contrato de compravenda. No caso de documentos notariais, xudiciais ou administrativos, deberase presentar copia auténtica do documento. Se se trata de documentos privados, presentarase o orixinal.
  • En caso de vehículos, deberase achegar ficha técnica e permiso de circulación, e, en caso de embarcacións, copia da folla de asento no Rexistro de Embarcacións da Capitanía Marítima ou licenza de navegación.
  • Modelo 620 cumprimentado.

A base impoñible será a maior das seguintes magnitudes:  

  • O valor declarado polos interesados  
  • O prezo ou contraprestación pactada  
  • O valor de mercado.  

Cada ano unha orde ministerial publica os prezos medios de venda en función da marca, o modelo, a potencia e o ano de matriculación do vehículo. Estes prezos medios poderanse usar como valor de mercado. 

Pódense consultar aquí as ordes ministeriais de cada ano.  

Así mesmo, tamén se pode utilizar o servizo de Valoración de vehículos usados.

  • Con carácter xeral, o tipo será do 3%.
  • En caso de vehículos con categoría ambiental 0 emisións, bicicletas, bicicletas de pedais con pedaleo asistido e vehículos de mobilidade persoal, o 0%.
  • En caso de embarcacións de recreo e motores mariños, o 1%.
  • A cota tributaria correspondente á transmisión de automóbiles turismo e todoterreos, con un uso igual ou superior a quince anos, será a seguinte:

 

Cilindrada do vehículo
(centímetros cúbicos)
Cota
(euros)
Ata 1.199 22
De 1.200 a 1.599 38

 

Máis información

Preguntas frecuentes en caso de compravenda de vehículos usados

Servizo de valoración de vehículos usados