Guía do imposto - Axencia Tributaria de Galicia

Feito impoñible

Artigo 11 da Lei 8/2009

A xeración de afeccións e impactos visuais e ambientais adversos sobre o medio natural e sobre o territorio, como consecuencia da instalación en parques eólicos de aeroxeradores afectos á produción de enerxía eléctrica e situados no territorio da Comunidade Autónoma de Galicia.

Obrigados

Artigo 13 da Lei 8/2009

As persoas ou entidades que leven a cabo a explotación dun parque eólico, aínda que non sexan titulares dunha autorización administrativa para a súa instalación.

Presúmese que dita explotación é realizada pola persoa ou entidade titular da autorización administrativa, salvo proba en contra.

Prazo de presentación

Artigo 6 a 12 da Orde de 27 de xaneiro de 2014

Un mes, para presentar a declaración de alta, modificación de datos ou baixa no Censo electrónico de parques eólicos de Galicia (modelo 007), dende o día seguinte á alta, á modificación ou ao desmantelamento do parque.

Baixa por cambio de suxeito pasivo (modelo 007), que deberá tramitala quen fose titular da autorización administrativa con anterioridade á modificación: dez días naturais desde o devandito cambio.

Alta por cambio de suxeito pasivo (modelo 007), que deberá tramitala o novo titular da autorización administrativa: vinte días naturais desde o devandito cambio.

Para presentar as autoliquidacións (modelo 012) :

Vinte primeiros días naturais do segundo mes seguinte á data da autorización de explotación, o primeiro ano de funcionamento do parque.
Vinte primeiros días naturais do mes de xaneiro, o resto de anos.

Forma e lugar de presentación

Artigo 2 e 3 da Orde de 27 de xaneiro de 2014
En todo caso a presentación será electrónica, a través da OVT, con certificado dixital.

Previamente deben estar dados de alta como usuarios autorizados ante a Atriga.

Utilizarase o modelo 007 para a declaración de alta, baixa ou modificación de datos no Centro electrónico de parques eólicos de Galicia e o modelo 012 para a autoliquidación do imposto.

Formas de pago

Artigo 15 da Orde de 27 de xaneiro de 2014

O pago poderá realizarse de forma presencial nas entidades colaboradoras autorizadas para os pagos presenciais con NRC ou mediante xiro postal nas Oficinas de Correos ou, no rural, a través dos carteiros rurais, co documento de ingreso telemático presencial (Modelo 717).

Unha vez feito, deberá completarse a presentación da autoliquidación a través da OVT (apartado "Operacións realizadas", onde introducirá o NRC xerado).

O pago pode realizarse de forma electrónica, no momento da confección, a través de:
- Domiciliación bancaria. A conta designada debe cumprir as seguintes condicións:
  - Ser propiedade do obrigado ao pago.
  - Tratarse dunha conta á vista ou dunha conta de aforro que admita a domiciliación de pagos.
  - Estar aberta nunha entidade de crédito autorizada para actuar como colaboradora na xestión recadatoria da Atriga.
Cargo en conta.
Pago con tarxeta de débito ou crédito mediante TPV virtual (límite 3.000 €).
Pago por Bizum

Máis información sobre o xiro postal e Bizum.

Recoñecemento de débeda e pago mediante transferencia: o contribuínte que non dispoña dunha conta da súa titularidade aberta en ningunha das entidades colaboradoras pode pagar a totalidade da débeda tributaria previo recoñecemento da mesma, mediante transferencia bancaria.