Se tes fillas/os en educación primaria, secundaria ou educación especial, podes aplicar na declaración da renda unha dedución polo 15% das cantidades satisfeitas pola adquisición de libros de texto e material escolar para ditos niveis educativos, cun máximo de 105 € por filla/fillo. 

 

Requisitos: 

• Que as/os fillas/os cursen educación primaria, secundaria ou educación especial nun centro público ou concertado. 
• Que dean dereito a aplicar o mínimo por descendentes no imposto da renda. 
• Límite de renda: a renda per cápita da unidade familiar non supere os 30.000 €. 
• O gasto acreditarase mediante factura detallada dos bens adquiridos e os xustificantes de pago por tarxeta, transferencia bancaria, cheque nominativo, ingreso en conta ou a través de plataformas de pagos electrónicos instantáneos.