Nos casos de adquisición por herdanza, por legado ou por calquera outro título sucesorio, así como no caso de recibir cantidades como consecuencia de ser beneficiario dun seguro de vida (en casos de defunción), os documentos preséntanse na oficina tributaria que corresponde á residencia habitual do causante/falecido (en diante causante).

Se nos últimos cinco anos o causante residise en distintas comunidades autónomas, a competencia territorial e a normativa de aplicación será da comunidade autónoma na que o causante permanecese o maior número de días do período dos cinco anos inmediatos anteriores, contados de data a data, que remate o día anterior ao da devindicación do feito impoñible no Imposto sobre sucesións, é dicir, se a data de falecemento é o 20 de agosto de 2021, os cinco anos inmediatos anteriores contabilízanse desde o día 19 de agosto de 2016 ata o 19 de agosto de 2021.

Se o causante non ten residencia habitual en España no momento da devindicación, a presentación, con independencia de que os suxeitos pasivos sexan ou non residentes en España, deberase realizar na Axencia Estatal de Administración Tributraria (AEAT). A presentación tamén se realizará na AEAT, cando o suxeito pasivo sexa non residente en España, aínda que o causante sexa residente.

A presentación farase no modelo 650.

A persoa física que recibe os bens e dereitos por título sucesorio. 

No caso de seguros de vida, a persoa beneficiaria. 

Enlaces asociados 

Artigo 5 da Lei 29/1987

As persoas ou entidades que teñan a condición de colabores sociais. 

No resto dos casos, a presentación poderá ser presencial ou electrónica. 

Quedan exceptuadas da obriga de presentación electrónica obrigatoria, as autoliquidacións que non se poden realizar a través do programa de axuda, entre outras: a liquidación no caso de herdeiros descoñecidos, a renuncia cando o renunciante ten un grupo de parentesco co causante superior ao que lle corresponde ao beneficiario, o usufruto sucesivo cando entra o segundo usufrutuario, a substitución fideicomisaria, a consolidación de dominio nun terceiro distinto do nu propietario e dereito de uso e habitación cando se constitúe xunto co dereito de usufruto e a liquidación de seguros de vida anteriores a 1987 da disposición transitoria cuarta da Lei 29/1987, do 18 de decembro, do imposto de sucesións e doazóns. 

A presentación de forma electrónica levarase a cabo segundo as seguintes regras:

1. Realizarase a través da OVT, tanto a presentación das autoliquidacións e declaracións como a da documentación complementaria.
2. Cando o feito impoñible estea contido nun documento notarial, estarase ás seguintes regras:
   • Cando a solicitude do obrigado tributario o notario autorizante colabore na presentación, pago e remisión por vía electrónica da autoliquidación e documentación complementaria do imposto sobre sucesións e doazóns, remitirá o documento en formato electrónico que incorpore o feito ou negocio suxeito a tributación á consellería competente en materia de facenda. A aplicación informática da consellería enviará un xustificante da presentación do documento para a súa incorporación á matriz da escritura ou documento notarial por parte do notario autorizante.
   • No caso de que a presentación electrónica se realice polo propio suxeito pasivo ou por un profesional actuando no seu nome, estes deberán solicitar ao notario autorizante a remisión en formato electrónico do documento que incorpore o feito ou negocio suxeito a tributación. O propio notario procederá ao envío deste documento no prazo de dez días naturais, contados a partir da súa formalización, e, en todo caso, antes da finalización do prazo de presentación da declaración tributaria correspondente.

   O usuario sinalará a través da aplicación informática na devandita presentación que autorizou ao notario o envío do documento notarial. Aceptada a presentación da autoliquidación, a aplicación informática da consellería enviará ao usuario un xustificante da presentación do documento.

   Se o usuario desexa que o notario autorizante do documento incorpore á matriz da escritura ou documento notarial a dilixencia de presentación do documento comunicarallo, e este incorporará a autorización do usuario á ficha notarial remitida. Neste caso a aplicación enviará ao notario devandito xustificante para a súa incorporación.

Nos supostos en que da autoliquidación practicada resulte un importe para ingresar, con carácter previo á súa presentación e sen prexuízo da posibilidade de solicitar un aprazamento ou fraccionamento, os obrigados tributarios realizarán, se é o caso, o pago da débeda tributaria.

Seis meses dende o falecemento do causante.

Non obstante, en caso de pactos sucesorios o prazo será dun mes. 

Si, pódese solicitar unha única prórroga por un prazo igual ao sinalado para a súa presentación (6 meses), dentro dos cinco meses seguintes ao falecemento.
Para iso, existen as seguintes opcións:

1. Cubrir o formulario de solicitude de prórroga, a través da Oficina Virtual Tributaria, apartado “Solicitudes”, para o cal é necesario dispoñer de certificado dixital ou DNI electrónico.
2. Presentar un escrito de solicitude, de forma presencial ou telemática, nos rexistros da Xunta de Galicia ou por calquera outro dos medios que indica o artigo 16.4 da Lei 39/2015, do 1 de outubro, do procedemento administrativo común das administracións públicas. A presentación telemática pódese facer pola Sede electrónica da Xunta (é necesario certificado digital, DNI electrónico ou Chave365) polo procedemento PR004A.  No escrito de solicitude téñense que indicar: os datos do causante, dos herdeiros e o seu grao de parentesco co causante, a situación e o valor aproximado dos bens e dereitos, e os motivos polos que se solicita a prórroga, así como un domicilio para os efectos de notificacións.

Se a solicitude se presenta dentro do prazo dos cinco meses, e non se recibe no mes seguinte notificación do acordo, débese entender concedida a prórroga. Se a solicitude se presenta transcorrido o prazo anterior, entenderase desestimada, sen necesidade de notificación da denegación.
A prórroga implica o pagamento dos xuros de mora xerados desde a finalización do prazo de seis meses ata o momento en que se efectúe a presentación, sempre e cando a autoliquidación resulte a ingresar.

A presentación pode ser presencial ou electrónica: 

• Presencial: mediante o modelo en papel, modelos 650 e D650, que se poden adquirir nos estancos autorizados, Oficinas de distrito hipotecario e Oficinas liquidadoras de distrito hipotecario, ou no programa ALIS, sen necesidade de certificado dixital.
  A presentación poderá realizarse nas delegacións territoriais da Axencia Tributaria de Galicia, así como nas oficinas de distrito hipotecario e oficinas liquidadoras de distrito hipotecario. 

Se se quere acudir con cita, pódese solicitar a través deste enlace. 

• Electrónica: farase a través do programa ALIS con certificado digital ou DNI electrónico 

Enlaces asociados 

Artigo 16 da Orde do 21 de xaneiro de 2021

En caso de presentación presencial: 

• Nas entidades colaboradoras.  
• Por xiro postal nas Oficinas de Correos ou, no ámbito rural, a través dos carteiros rurais por medio de dispositivos PDAs 
• As autoliquidacións con cota a ingresar igual ou inferior a 3.000 euros, con tarxeta de débito ou crédito no Terminal Punto de Venta (TPV) físico, só nas Delegacións da Atriga.
  As Oficinas Liquidadoras de Distrito Hipotecario e as de Distrito Hipotecario NON teñen TPV físico.

No caso de presentación electrónica:

• Nas entidades colaboradoras ou nas Oficinas de Correos mediante o xiro postal, con NRC (documento de ingreso modelo 717). Unha vez feito o pago, deberá completar a presentación da autoliquidación a través da OVT (apartado "Operacións realizadas", onde introducirá o NRC xerado).  
• Mediante cargo en conta 
• Mediante tarxeta de débito ou crédito (TPV)* / Bizum
• Mediante domiciliación bancaria ordenada no momento da presentación da autoliquidación

* Aviso: Existe un límite para pagos con tarxeta de crédito ou débito de 3.000 €.  

Recoñecemento de débeda e pago mediante transferencia: o contribuínte que non dispoña dunha conta da súa titularidade aberta en ningunha das entidades colaboradoras pode pagar a totalidade da débeda tributaria previo recoñecemento da mesma, mediante transferencia bancaria.

A normativa tributaria de recadación prevé a posibilidade de aprazar ou fraccionar o pago das débedas tributarias que se atopen en período voluntario ou executivo cando a situación económico-financeira do obrigado tributario impídalle, de forma transitoria, efectuar o pago no prazo establecido pola normativa, co pagamento dos xuros de mora correspondentes. 

Para solicitar o aprazamento ou fraccionamento da débeda, tense que presentar unha solicitude acompañada da documentación necesaria para identificar a débeda e, no seu caso, a garantía correspondente, xunto coa proposta dun calendario de ingresos e a documentación que xustifique a existencia de dificultades económicas. 

Se a débeda está en período voluntario, débese solicitar antes de que este finalice e, se está en período executivo, en calquera momento anterior á notificación do alleamento dos bens embargados. 

Nas solicitudes de aprazamento e fraccionamento presentadas a partir do 11.06.2023 non se esixirá ningún tipo de garantía, cando o importe total das débedas dun mesmo debedor non supere os 50.000 € (Orde HFP/583/2023, do 7 de xuño)

En determinados casos, se se herda unha empresa individual con actividade, participacións en entidades, a vivenda habitual do causante ou seguros sobre a vida, pódese aprazar o pago un máximo de 5 anos sen intereses e logo pódese fraccionar o pago, pagando o interese legal do diñeiro. 

A solicitude pode presentarse: 

• Presencialmente, mediante escrito ou modelo normalizado, nos rexistros da Xunta de Galicia ou por calquera outro dos medios que indica o apartado 4 do artigo 16 da Lei 39/2015, do 1 de outubro , do Procedemento Administrativo Común das Administracións Públicas.
• Telematicamente:
  • Pola OVT (certificado dixital ou DNI electrónico) a través do apartado de Solicitudes > Aprazamentos/fraccionamentos de débedas.
  • Pola Sede electrónica da Xunta de Galicia (certificado dixital, DNI electrónico ou Chave) polo procedemento PR004A

A solicitude deberá dirixirse ao Departamento de Recadación da Delegación da Axencia Tributaria de Galicia á que corresponda a tramitación do imposto. Se a xestión do imposto corresponde ás Oficinas Liquidadoras do Distrito Hipotecario da Coruña a solicitude dirixirase ao Departamento de Recadación desa Delegación. 

Enlaces asociados

Artigos 44 a 54 do Regulamentoo Xeral de Recadación

Artigo 39 LISD

• Certificado de defunción do causante. 
• Certificado do Rexistro Xeral de Actos de Última Vontade. 
• Testamento ou copia autorizada deste (na súa falta, acta de notoriedade ou testemuño xudicial da declaración de herdeiros). En caso de pactos sucesorios, achegarase copia auténtica do documento notarial. 
• Título de adquisición dos bens inmobles incluídos na sucesión, así como copia do recibo do IBI (imposto sobre bens inmobles), ou no seu defecto, certificación catastral do inmoble. Non será necesaria a súa presentación cando a referencia catastral conste no documento ou contrato que recolle a operación. 
• Copia da documentación de vehículos (ficha técnica e permiso de circulación). 
• Copia dos contratos de seguro ou certificado expedido pola Entidade Aseguradora facendo constar a data de contratación, beneficiarios e contía. 
• Documentación que xustifique as cargas, gravames, débedas e gastos cuxa dedución se solicita. 
• Certificación que acredite o número de conta, os titulares, o saldo á data de defunción e o maior saldo do último ano anterior á devandita data, das contas en entidades financeiras representativas de depósitos, débeda pública, obrigacións, bonos e demais valores equivalentes, accións e participacións.  
• En caso de que existan títulos que non coticen en bolsa, certificación expedida polo presidente, secretario ou administrador da sociedade, que acredite o número de títulos propiedade do causante e o seu valor teórico á data de defunción. 
• Se resulta aplicable algún beneficio fiscal, documentación acreditativa do cumprimento dos requisitos necesarios para a súa aplicación, que se detalla no artigo 10 da Orde do 21 de xaneiro do 2021  
• Modelo 650 cumprimentado, de autoliquidación do imposto. 
• Modelo D650 cumprimentado, declarando os bens que integran a herdanza. Admítese a presentación dun só modelo D650 por causante sempre que se presenten de forma conxunta os modelos 650 de todos os suxeitos pasivos. 

A presentación presencial do imposto pódese realizar nas delegacións da Axencia Tributaria de Galicia, oficinas liquidadoras ou oficinas de distrito hipotecario. Se se quere acudir con cita, pódese solicitar a través deste enlace. 

En caso de presentación telemática do imposto, a remisión dos documentos comprensivos dos feitos impoñibles realizarase das seguintes formas: 

1. Presentación telemática de calquera documento, salvo os notariais:
   A través da OVTributaria, servizo "Presentación de documentación asociada" no momento posterior á presentación. Se é colaborador social deberá presentar a documentación a través do mesmo servizo co perfil de colaborador social e achegar a representación.
2. Presentación telemática dos documentos notariais:
   • Cando por solicitude do obrigado tributario o notario autorizante colabore na presentación, pagamento e remisión por vía telemática da autoliquidación e documentación complementaria do imposto sobre sucesións e doazóns, remitirá o documento en formato electrónico que incorpore o feito ou negocio suxeito a tributación á consellería competente en materia de facenda. A aplicación informática da consellería emitirá unha dilixencia de presentación do documento, para a súa incorporación á matriz da escritura ou documento notarial por parte do notario autorizante.
   • Se a presentación electrónica é realizada polo propio suxeito pasivo ou por un profesional actuando no seu nome, estes deberán solicitar ao notario autorizante a remisión en formato electrónico do documento que incorpore o feito ou negocio suxeito a tributación. O propio notario procederá ao envío deste documento no prazo de dez días naturais, contados a partir da súa formalización, e, en todo caso, antes da finalización do prazo de presentación da declaración tributaria correspondente.

O usuario sinalará a través da aplicación informática na devandita presentación que autorizou ao notario o envío do documento notarial. Aceptada a presentación da autoliquidación, a aplicación informática da consellería enviará ao usuario un xustificante da presentación do documento.
Se o usuario desexa que o notario autorizante do documento incorpore á matriz da escritura ou documento notarial a dilixencia de presentación do documento comunicarallo, e este incorporará a autorización do usuario á ficha notarial remitida. Neste caso a aplicación enviará ao notario o devandito xustificante para a súa incorporación.

O Decreto Lexislativo 1/2011, do 28 de xullo, polo que se aproba o texto refundido das disposicións legais da Comunidade Autónoma de Galicia en materia de tributos cedidos polo Estado (DL 1/2011), regula 3 tipos de beneficios:

 

• REDUCIÓNS DA BASE IMPOÑIBLE DE CARÁCTER SUBXECTIVO (ARTIGO 6 DL 1/2011):

  Redución por parentesco

  Requisitos	Reducción
  Grupo I: descendentes e adoptados (fillos/as, netos/as, resto descendentes ) menores de 21 anos	1.000.000 € + 100.000 por cada ano menos de 21, cun límite de  1.500.000 €
  Grupo II: descendentes e adoptados (fillos/as, netos/as, resto descendentes) de 21 anos ou máis, cónxuxes, ascendentes e adoptantes (pais, avós, bisavós, tataravós)	1.000.000 euros
  Grupo III: colaterais de segundo grao por consanguinidade (irmáns)	25.000 euros (16.000 euros para devindicacións anteriores a 01.01.2025)
  Grupo III: resto de colaterais de segundo grao, colaterais de terceiro grao e ascendentes e descendentes por afinidade (tíos, sobriños, sogros, xenros, noras, fillastros/as)	25.000 euros (8.000 euros para devindicacións anteriores a 01.01.2025)
  Grupo IV: colaterais de cuarto grao, graos máis distantes e estraños (primos, tíos segundos, tíos avós, etc.)	Non hai redución

  Redución por discapacidade

  Requisitos	Redución
  Suxeito pasivo cun grao de discapacidade ≥ 33% e < 65%	150.000 euros
  Suxeito pasivo cun grao de discapacidade ≥ 65% e pertencente ó grupo I ou II con patrimonio preexistente menor ou igual a 3.000.000 euros	100% da base impoñible
  Suxeito pasivo cun grao de discapacidade ≥ 65% e pertencente ó grupo I ou II con patrimonio preexistente superior a 3.000.000 euros	300.000 euros
  Suxeito pasivo cun grao de discapacidade ≥ 65% e pertencente ó grupo III ou IV	300.000 euros

  Redución pola adquisición das indemnizacións da síndrome tóxica e por actos de terrorismo -> 99% sobre o importe percibido de indemnización.

• REDUCIÓNS DA BASE IMPOÑIBLE DE CARÁCTER OBXECTIVO (ARTIGO 7 DL 1/2011):

• Redución por adquisición de vivenda habitual:

• Valor total do inmoble	Reducións
  Ata 150.000,00 euros	99%
  De 150.000,01 a 300.000 euros	97%
  Máis de 300.000 euros	95%
  Se a adquisición corresponde ó cónxuxe	100%

  Requisitos
  Límite da reducción: 600.000 euros
  Que a adquisición corresponda a descendentes (fillos/as, netos/as...) ou adoptados, ascendetes (pais, avós) ou adoptantes e colaterais por consanguinidade (imans, tíos/as, sobriños/as).
  No caso de parente colateral, este deberá ser maior de 65 anos e será necesaria a convivencia co causante durante os 2 anos anteriores ó falecemento.
  Deberase manter a vivienda adquirida durante os 5 anos seguintes, salvo que o adquiriente falecese ou se transmitise por pacto sucesorio

   

  • Outras reducións: Ver requisitos no artigo 7 DL 1/2011

  Nome	Redución
  Redución pola adquisición de bens e dereitos afectos a unha actividade económica e de participacións en entidades	99%
  Redución pola adquisición de explotacións agrarias e de elementos afectos	99%
  Redución pola adquisición de predios rústicos de dedicación forestal incluídos na Rede galega de espazos protexidos	95%
  Redución pola adquisición de predios rústicos	99%
  Redución pola adquisición de predios forestais que formen parte da superficie de xestión e comercialización conxunta de producións que realicen agrupacións de propietarios forestais dotadas de personalidade xurídica	99%
  Redución pola adquisición de bens destinados á creación ou constitución dunha empresa ou negocio profesional	95%

• DEDUCIÓN NA COTA TRIBUTARIA (artigo 11 DL 1/2011): dedución do 99% da cota tributaria no caso de suxeitos pasivos incluídos no Grupo I de parentesco.
•  
• Pódese obter máis información en: Resumo medidas normativas e beneficios fiscais

Do valor dos bens, unicamente serán deducibles as cargas ou gravames de natureza perpetua, temporal ou redimibles que aparezan directamente establecidos sobre os mesmos e diminúan realmente o seu capital ou valor, como os censos e as pensións, sen que merezan tal consideración as cargas que constitúan obriga persoal do adquirente nin as que, como as hipotecas e os peñores, non supoñen diminución do valor do transmitido, sen prexuízo, no seu caso, de que as débedas que garantan poidan ser deducidas se concorren os requisitos establecidos para iso.

Poderán deducirse as débedas da persoa falecida ( préstamos con entidades financeiras, persoais ou hipotecarios, pagamentos aprazados en compras, débedas da comunidade de propietarios, etc), sempre que se poidan acreditar de maneira fidedigna, ben que se atopen recoñecidas por sentenza firme ou ben que se acrediten en documento público ou privado. Non é posible deducir as débedas a favor dos herdeiros e dos cónxuxes, pais, fillos, netos ou irmáns daqueles aínda que renuncien á herdanza.

En especial, serán deducibles as débedas do causante por razón de tributos do Estado (p.ex. de IRPF), de Comunidades Autónomas ou de Corporacións Locais (p.ex. IBI) ou por débedas da Seguridade Social aínda que se liquiden con posterioridade ao falecemento.

Os gastos de última enfermidade, enterro e funeral cando foran satisfeitos polos herdeiros (non se deducen se foron abonados con diñeiro do defunto) así como os gastos ocasionados por litixios de testamentaria ou abintestato, xa sexa en sede xudicial ou arbitral, sempre que se producira en interese común de tódolos herdeiros.

A cota íntegra do imposto sobre sucesións obterase aplicando á base liquidable os tipos de gravame seguintes en función dos graos de parentesco sinalados no artigo 6.dous DL 1/2011:

• Sempre que os suxeitos pasivos estivesen incluídos nos grupos I e II, aplicarase a seguinte tarifa:

  Base liquidable – Ata euros	Cota íntegra – Euros	Resto base liquidable – Ata euros	Tipo aplicable – Porcentaxe
  0	0	50.000	5
  50.000	2.500	75.000	7
  125.000	7.750	175.000	9
  300.000	23.500	500.000	11
  800.000	78.500	800.000	15
  1.600.000	198.500	En diante	18

• No caso de que os suxeitos pasivos estivesen incluídos nos grupos III e IV, aplicarase a seguinte tarifa:

  Base liquidable – Ata euros	Cota íntegra – Euros	Resto base liquidable – Ata euros	Tipo aplicable – Porcentaxe
  0,00	0,00	7.993,46	7,65
  7.993,46	611,50	7.987,45	8,50
  15.980,91	1.290,43	7.987,45	9,35
  23.968,36	2.037,26	7.987,45	10,20
  31.955,81	2.851,98	7.987,45	11,05
  39.943,26	3.734,59	7.987,46	11,90
  47.930,72	4.685,10	7.987,45	12,75
  55.918,17	5.703,50	7.987,45	13,60
  63.905,62	6.789,79	7.987,45	14,45
  71.893,07	7.943,98	7.987,45	15,30
  79.880,52	9.166,06	39.877,15	16,15
  119.757,67	15.606,22	39.877,16	18,70
  159.634,83	23.063,25	79.754,30	21,25
  239.389,13	40.011,04	159.388,41	25,50
  398.777,54	80.655,08	398.777,54	29,75
  797.555,08	199.291,40	En diante	34,00

Unha vez determinada a cota íntegra, hai que aplicar o coeficiente multiplicador que corresponda, en función do grao de parentesco e do patrimonio preexistente do suxeito pasivo:

Patrimonio preexistente – Euros	I e II	III	IV
De 0 a 402.678,11	1	1,5882	2
De máis de 402.678,11 a 2.007.380,43	1	1,6676	2,1
De máis de 2.007.380,43 a 4.020.770,98	1	1,7471	2,2
Máis de 4.020.770,98	1	1,9059	2,4

O resultado desta operación é a cota tributaria do imposto.

• Grupo I: descendentes e adoptados (fillos/as, netos/as, bisnetos/as, tataranetos/as) menores de 21 anos.
• Grupo II: descendentes e adoptados (fillos/as, netos/as, bisnetos/as, tataranetos/as) de 21 anos ou máis, cónxuxes, ascendentes e adoptantes (pais, avós, bisavós, tataravós).
• Grupo III: colaterais de segundo grao, colaterais de terceiro grao e ascendentes e descendentes por afinidade (irmáns, tíos/as, sobriños/as, sogros/as, xenros, noras, fillastros/as).
• Grupo IV: colaterais de cuarto grao, graos máis distantes e estraños (primos, tíos/as segundos, tíos/as avós/oas, etc).

Aos efectos deste imposto, equipáranse ao matrimonio as unións de dúas persoas maiores de idade, capaces, que convivan coa intención ou vocación de permanencia nunha relación de afectividade análoga á conxugal, inscritas no Rexistro de Parellas de Feito de Galicia, e que expresen a súa vontade de equiparar os seus efectos aos do matrimonio, ou que estean inscritas en calquera outro rexistro público análogo doutras administracións públicas de estados membros da Unión Europea, de estados integrantes do Espazo Económico Europeo ou de países terceiros. 

Nun primeiro momento e como consecuencia da desmembración do dominio, un herdeiro ou legatario adquire a núa propiedade, e outro herdeiro ou legatario adquire o usufruto do devandito dominio.

Nun segundo momento, tras o falecemento do usufrutuario, prodúcese a consolidación do dominio, que supón a transmisión ao nu propietario das facultades de uso e gozo como consecuencia da extinción do usufruto, reuníndose nel a plena propiedade.

Neste caso realízase unha soa adquisición, cunha soa devindicación diferida no tempo, correspondendo a esta adquisición unha única liquidación, que se realiza en dúas partes e en dous momentos temporais distintos, sobre o valor total dos bens (suma do valor da núa propiedade e o usufruto) e coa aplicación dun único tipo de gravame da forma que segue:

Nun primeiro momento, na adquisición da núa propiedade, autoliquídase tendo en conta o valor correspondente a aquela, minorando, no seu caso, polo importe das reducións a que teña dereito o nu propietario, e con aplicación do tipo medio efectivo de gravame correspondente ao valor íntegro dos bens.

Posteriormente, ao extinguirse o usufruto por causa do falecemento do usufrutuario, o nu propietario vén obrigado a pagar polo usufruto sobre a base do valor atribuído ao mesmo na súa constitución, minorado, no seu caso, no resto das reducións, cando as mesmas non se houbesen esgotado na liquidación practicada pola adquisición da núa propiedade, e con aplicación do mesmo tipo medio efectivo anterior.

O tipo medio de gravame (TME) calcúlase da seguinte forma: TME = Cota Teórica X 100 / Base Liquidable Teórica.

A cota teórica é aquela que resulta de aplicar a tarifa do imposto a unha base liquidable teórica.

A base liquidable teórica é aquela que se obtén tras aplicar as reducións procedentes ao valor conxunto da núa propiedade e o usufruto (valor íntegro do ben). Ou dito doutro xeito, é a base liquidable que nos correspondería se non se constituíse usufruto sobre os bens.

En caso de acumulación de doazóns e pactos sucesorios á herdanza, para atopar a base liquidable teórica habería que sumar tamén as bases liquidables das devanditas operacións acumuladas.

1. Repudiación ou renuncia pura, simple e gratuíta: os beneficiarios tributarán pola parte repudiada ou renunciada, aplicando o coeficiente correspondente á contía do seu patrimonio preexistente. En canto ao parentesco co causante, terase en conta o do renunciante ou o do que repudia cando teña sinalado un coeficiente superior ao que corresponda ao beneficiario. Se o beneficiario da renuncia recibise directamente outros bens do causante, isto só se aplicará cando a suma das liquidacións practicadas polas adquisicións de ambos grupos de bens sexa superior á xirada polo valor de todos (neste caso aplicando o grao de parentesco do beneficiario co causante).
2. Na renuncia a favor de persoa determinada o imposto sobre sucesións esixiráselle ao renunciante pola cota hereditaria á que renuncia e ademais liquidarase o imposto sobre doazóns ao beneficiario da devandita renuncia.
3. Na renuncia á herdanza realizada despois de prescrito o imposto liquidarase o imposto sobre doazóns aos beneficiarios da devandita renuncia.

Cando facemos unha aceptación e adxudicación de herdanza, da que xa se presentara o correspondente imposto sobre sucesións, debemos presentar un modelo 660 (Declaración, documento sucesorio). Non hai prazo, e non conleva o pago de ningún importe.  

A presentación pode ser: 

• Presencial, utilizando o modelo 660 en papel, que se pode adquirir nos estancos autorizados, Oficinas de distrito hipotecario e Oficinas liquidadoras de distrito hipotecario, ou o obtido pola OVT, sen necesidade de certificado dixital.
  A presentación poderá realizarse nas delegacións territoriais da Axencia Tributaria de Galicia, así como nas oficinas de distrito hipotecario e oficinas liquidadoras de distrito hipotecario. Se se quere acudir con cita, pódese solicitar a través deste enlace. 
• Electrónica: farase a través da OVT con certificado digital. 

Podes atopar toda a información na sección: Normativa asociada.