Exercerá as seguintes funcións: 

• A recepción, mecanización e tramitación de declaracións, autoliquidacións, comunicacións de datos e demais documentos con transcendencia tributaria.
• A realización de actuacións de control do cumprimento da obrigación de presentar declaracións, autoliquidacións, comunicacións de datos e demais documentos tributarios e do cumprimento das obrigas formais.
• A práctica de requirimentos no ámbito das súas funcións.
• A realización de actuacións de verificación de datos.
• A realización de actuacións de comprobación de valores.
• O recoñecemento e comprobación da procedencia dos beneficios fiscais.
• A realización de liquidacións tributarias.
• A realización das actuacións dos procedementos de xestión tributaria no ámbito material do imposto sobre transmisións patrimoniais e actos xurídicos documentados, pola transmisión de determinados medios de transporte usados entre particulares.
• As funcións de imposición de sancións e de revisión en vía administrativa, no ámbito das súas competencias.
• A subministración de etiquetas e de números ou códigos de identificación para os efectos fiscais.
• A emisión de certificados tributarios, no ámbito das súas competencias.
• A elaboración e mantemento dos censos tributarios.
• A información e asistencia tributaria.
• As demais que lle encomende ou lle delegue a persoa titular da delegación.