Competencias:

• Exercer a dirección e xestión ordinaria da Axencia, que inclúe ditar as instrucións e circulares sobre todos os temas relacionados coa organización e o funcionamento dos servizos e do seu persoal.
• Dirixir e coordinar a actuación do Comité de Dirección.
• Elaborar as propostas de obxectivos e plans de acción anuais, de relación de postos de traballo e oferta de emprego público e de informe xeral de actividade, para sometelos ao Consello Reitor.
• Executar o orzamento e o plan de acción anual da Axencia.
• Exercer a xefatura do seu persoal e, en xeral, as funcións que a normativa autonómica de función pública encomenda aos órganos superiores e directivos nesta materia, en relación coa dependencia funcional do persoal.
• Propoñer os criterios para a avaliación do desempeño do persoal e a correspondente distribución dos conceptos retributivos asignados á remuneración dos incentivos ao rendemento legalmente previstos, dentro das previsións establecidas polo seu orzamento e conforme ós criterios recollidos no contrato plurianual de xestión.
• Xestionar o patrimonio e administrar os recursos económicos da Axencia.
• Autorizar e dispoñer gastos con cargo a créditos orzamentarios, recoñecer obrigas e ordenar os seus pagamentos, conforme a normativa orzamentaria aplicable.
• Formular as contas anuais e elevalas ao Consello Reitor para a súa aprobación.
• Aprobar o plan de control tributario anual.
• Aprobar o plan anual de formación do persoal ao servizo da Axencia.
• Propoñer á consellería competente en materia de facenda a elaboración de normas sobre a aplicación dos tributos e sobre a recadación en período executivo doutros ingresos de dereito público.
• Coñecer os proxectos normativos cando afecten a procedementos tributarios e, en xeral, ás súas competencias e funcións, e emitir informe sobre estes.
• A coordinación e supervisión das distintas áreas e departamentos da Axencia.
• Ditar instrucións polas cales se establezan os criterios de actuación dos distintos órganos e unidades dependentes ou adscritos, así como circulares para a unificación de criterios nos ámbitos das funcións encomendas á Axencia.
• Elaborar a proposta de resolución á persoa titular da consellería competente en materia de facenda en relación cos procedementos especiais de revisión en materia tributaria de actos nulos de pleno dereito e de declaración de lesividade de actos anulables, respecto aos actos ditados polos órganos da Axencia.
• A resolución dos procedementos de revogación dos actos da Axencia ditados no exercicio das súas funcións.
• Cumprir as demais funcións atribuídas nos estatutos da Axencia, as que lle atribúa o Regulamento de réxime interior e as que lle delegue a Presidencia ou o Consello Reitor.
• Ditar as resolucións nos procedementos tributarios e sancionadores en materia tributaria da súa competencia, sempre que non estean atribuídas especificamente a outros órganos.
• Asumir as facultades que non estean atribuídas expresamente a outro órgano e as que lle atribúan as disposicións vixentes.