Volver ao contido

Guía do Imposto sobre vendas minoristas de determinados hidrocarburos

A partir do 1-1-2002 establécese o novo Imposto sobre as Vendas Minoristas de Determinados Hidrocarburos.

E un imposto de natureza indirecta que recae sobre o consumo de determinados hidrocarburos, gravando en fase única, as vendas minoristas dos productos comprendidos no seu ámbito obxectivo.

O imposto encontrase regulado no artigo 9 da Lei nº 24/2001 , do 27 de decembro, de Medidas fiscais, administrativas e da orde social e na Orde do Ministerio de Facenda 1554/2002, do 17 de xuño, pola que se aproban as normas de xestión do Imposto sobre Ventas Minoristas de Determinados Hidrocarburos.

Este imposto crease coa condición de imposto estatal cedido ás Comunidades Autónomas e quedando afectada a súa recadación á cobertura dos gastos en materia de sanidade e, de se-lo caso, dos de actuacións medio ambientais.

Son suxeitos pasivos os propietarios dos productos indicados, que deben repercutir o importe das cotas devengadas sobre os adquirentes dos devanditos productos. Tamén son suxeitos pasivos os importadores ou adquirentes, nos casos de importacións ou adquisicións intracomunitarias destinadas directamente ó consumo propio.

Os suxeitos pasivos están obrigados a solicita-la inscrición dos establecementos de venda ó público polo miúdo ou de consumo propio no rexistro territorial da oficina xestora en cuxa demarcación territorial se encontren ubicados, obtendo unha tarxeta acreditativa cun código de identificación específico denominado Código de identificación de minoristas (CIM).
 

As vendas minoristas ou operacións que impliquen o autoconsumo de gasolina, gasóleo, fuelóleo, queroseno non empregado como combustible de calefacción, outros hidrocarburos líquidos que se empreguen como combustible de calefacción e outros productos destinados a ser empregados como carburante agás o gas natural, metano, gas licuado do petróleo, productos equivalentes e aditivos para carburantes contidos en envases de capacidade non superior a un litro. 

A base do imposto estará constituída polo volume dos productos obxecto do imposto, expresado en miles de litros, agás ó fuelóleo, respecto do cal estará constituída polo peso do produto expresado en toneladas métricas.

A determinación da base impoñible efectuarase en réxime de estimación directa.
 

Os períodos de liquidación e os prazos para a presentación da declaración-liquidación e ingreso simultáneo das cotas serán os seguintes: 

  • Período de liquidación: Un trimestre natural.
  • Prazo: Os 20 primeiros días naturais seguintes a aquel no que finaliza o trimestre no que se produciron os devengos.

Debe presentarse unha declaración-liquidación por cada unha das Comunidades Autónomas onde se realice o obxecto do imposto, na oficina xestora de Impostos Especiais correspondente ó domicilio fiscal do suxeito pasivo. Ademais, debe presentarse unha declaración informativa anual ante a Dirección General de Tributos (Ministerio de Economía y Hacienda).

Aínda que se trata dun imposto cedido á Comunidade Autónoma desde o 1 de xaneiro de 2002, o exercicio das funcións inherentes á xestión do mesmo, como a recepción de declaracións, realizase transitoriamente pola Axencia Estatal de Administración Tributaria.

A declaración-liquidación e ó pagamento simultáneo da cota debe facerse na entidade colaboradora.

A entidade colaboradora devolverá o exemplar para o suxeito pasivo e para a Administración e este último, xunto coas follas de desglose debe presentarse na oficina xestora de Impostos Especiais correspondente ó domicilio fiscal dentro dos cinco primeiros días hábiles do mes seguinte ó establecido para a presentación da declaración e ingreso das cotas.

Tamén se poderán presentar por vía telemática , seguindo o procedemento establecido en la Orden de 21 de decembro de 2000 .

 

Existe un modelo do Estado de declaración-liquidación e de relación de subministracións exentos (569). O devandito modelo é o que debe utilizarse na nosa Comunidade, figurando no cadro de liquidación a suma dos tipos estatal e autonómico.

O tipo de gravame aplicable a cada produto gravado formase mediante a suma dos tipos estatal e autonómico, e serán os vixentes no momento do devengo. 

  1. O tipo estatal . As devanditas contías poden ser actualizadas cada ano na Lei de Orzamentos Xerais do Estado.(Ver cadro)
  2. O tipo autonómico é o que sexa aprobado pola Comunidade Autónoma. Se non se aprobase ningún, o tipo de gravame do imposto será só o estatal.(ver cadro)

Para o exercicio 2004 e seguintes, a Comunidade Autónoma de Galicia aprobou o tipo autonómico facendo uso das competencias que lle outorga o artigo 44 da Lei 21/2001.

Ámbolos dous tipos son os seguintes:
 

 

tipo autonómico
  Gasolinas
(€ / 1000 litros)
Gasóleo de emprego xeneral
(€ / 1.000 litros)
Gasóleo de emprego especial e calefacción
(€ / 1.000 litros)
Fuelóleo
(€ / tonelada)
Queroseno de emprego xeneral
(€ / 1.000 litros)
Galicia 24 12 - 1 24
Estado 24 24 6 1 24

Os suxeitos pasivos deberán repercuti-lo importe das cotas devengadas sobre os adquirentes dos productos comprendidos no ámbito obxectivo, quedando estes obrigados a soportalas, agás nos casos en que o suxeito pasivo sexa o consumidor final daqueles.

Cando, de acordo coa normativa vixente, a operación gravada deba documentarse en factura ou documento equivalente , a repercusión das cotas devengadas efectuarase no devandito documento separadamente do resto de conceptos comprendidos nesta.

Nota: Esta información ten carácter divulgativo e non recolle o contido íntegro do artigo 9 da Lei 24/2001 de Medidas Fiscais, Administrativas e da Orde Social do 31 de decembro (B.O.E. 31.12.2001) nin da Orde do Ministerio de Hacienda 1554/2002 de 17 de xuño (B.O.E. 25.06.2002) A estes efectos acompáñase o texto íntegro das normas antes citadas para a súa consulta.